Drejtimi
Program 3-vjeçar. Diploma: Teknik i Farmacisë. Punon nën mbikëqyrjen e farmacistit.
Tekniku i Farmacisë është pjesë e ekipit të farmacistëve që ndihmon farmacistin gjatë procedurës terapeutike në sektorin e farmacisë. Përgatit vendin e punës, materialet, instrumentet dhe pajisjet për procedurat terapeutike. Mbart shënime dhe regjistron të dhënat mjekësore në pajtim me rregullat ligjore.
Është një profesion i saktë, i qetë dhe me përgjegjësi të lartë, sepse lidhet drejtpërdrejt me barnat që merr pacienti. Roli i teknikut zë vend para, gjatë dhe pas procesit të prodhimit, duke ndihmuar në aspektin teknik udhëheqësit e sektorëve përkatës.
Përgatitja profesionale e teknikut të farmacisë në prodhim është me përgjegjësi dhe mjaft specifike, duke pasur parasysh avancimin e vazhdueshëm të teknologjisë farmaceutike.
Gjatë kryerjes së punëve dhe detyrave përdor teknologjinë moderne të informacionit dhe komunikimit. Komunikon me përdoruesin (pacientin) e shërbimeve farmaceutike-mjekësore, duke respektuar dinjitetin njerëzor, diversitetin kulturor, fetar, moshën, gjendjen sociale dhe ekonomike.
Merr pjesë në edukimin e përdoruesve (pacientëve) për bazat e higjienës dhe parandalimin e sëmundjeve infektive.
Mbikëqyrja
Punon nën mbikëqyrjen e farmacistit dhe me ekipin e farmacistëve gjatë zbatimit të procedurave terapeutike.
Diploma
Teknik i Farmacisë
Kualifikimi
180 kredi AAP
Niveli
III dhe IV, sipas KKK
Licenca 2025
Relicencuar, 03-1082
Kompetencat
Tërësia e kompetencave profesionale të këtij drejtimi.
Pas shkollës
Pas përfundimit të shkollimit trevjeçar në Shkollën e Mesme të Mjekësisë KEKA-MED, nxënësi fiton diplomën profesionale me titull Teknik i Farmacisë dhe ka mundësi të integrohet në tregun e punës. Kërkesa për staf të përgatitur në farmaci mbetet e qëndrueshme, sepse çdo zinxhir i barnave ka nevojë për njerëz që e njohin recetën, dozën dhe rregullat.
Vend pune
Farmaci private
Vend pune
Spitale
Vend pune
Depo farmaceutike
Vend pune
Prodhim
Shkollim i mëtutjeshëm në arsimim post-sekondar.
Për kë
Farmacia u përshtatet nxënësve që duan saktësi, kimi praktike dhe punë të organizuar, pa qenë gjithë ditën në krevatin e pacientit si në infermieri.
Më shumë
Tekniku nuk e zëvendëson farmacistin. Ai përgatit vendin e punës, lexon recetën, mat dhe paketojë medikamentet, përgatit forma galenike dhe ruan të dhënat sipas ligjit. Vendimet terapeutike mbeten te farmacisti; tekniku është hallka teknike para, gjatë dhe pas prodhimit.
Përgatitja në prodhim është specifike sepse teknologjia farmaceutike ndryshon. Prandaj programi e lidh recetën me laboratorin: grimcim, tretje, filtrimin, paketimin, yndyrat, tretësirat dhe pluhurat.
Më shumë
Vendimi i licencës 03-1082 i MASHTI-t (2025) e relicencon Teknikun e Farmacisë në nivelet III dhe IV, me 180 kredi AAP. Në konkursin e arsimit për të rritur 2026/27, ky profil ka 8 vende, në një paralelë. Kushtet e plota janë në PDF-në e konkursit.
Më shumë
Në KEKA-MED
Shkolla në Klinë e lidh teorinë me laboratorët e mjekësisë dhe etikën mjekësore. Nxënësit kanë qasje në laboratorë dhe pajisje, në një mjedis të disiplinuar.
KEKA-MED është institucion i akredituar nga AKK, me staf të përkushtuar. Për një vizitë ose pyetje për këtë drejtim, na shkruani te Kontakti.
Drejtimet e tjera
Regjistrimi
